కామారెడ్డి జిల్లాలో పోగొట్టుకున్న మరియు చోరీకి గురైన మొబైల్ ఫోన్లను గుర్తించి బాధితులకు తిరిగి అందించే కార్యక్రమాన్ని జిల్లా పోలీసులు విజయవంతంగా కొనసాగిస్తున్నారు.
పోలీసుల సమాచారం ప్రకారం, గత కొంతకాలంగా పోగొట్టుకున్న మొబైల్ ఫోన్లపై వచ్చిన ఫిర్యాదుల ఆధారంగా CEIR పోర్టల్ సహాయంతో ప్రత్యేక దర్యాప్తు చేపట్టారు. ఈ క్రమంలో మొత్తం 4,531 మొబైల్ ఫోన్లు గుర్తించి, సుమారు రూ.7.25 కోట్ల విలువైన ఫోన్లను రికవర్ చేసినట్లు అధికారులు తెలిపారు.
అలాగే ఇటీవల జరిగిన చర్యల్లో 123 మొబైల్ ఫోన్లు (సుమారు రూ.20 లక్షల విలువ) రికవర్ చేసి బాధితులకు తిరిగి అందజేశారు. మొబైల్ ఫోన్లు పోగొట్టుకున్న వెంటనే ఆలస్యం చేయకుండా CEIR పోర్టల్ ద్వారా ఫిర్యాదు నమోదు చేయాలని పోలీసులు ప్రజలకు సూచించారు.
ఈ కార్యక్రమంలో జిల్లా పోలీస్ అధికారులు, సిబ్బంది కలిసి ప్రత్యేక చర్యలు చేపట్టి మొబైల్ ఫోన్లను గుర్తించి బాధితులకు అందజేయడం జరిగిందని తెలిపారు.
మొబైల్ ఫోన్ పోగొట్టుకున్న సందర్భంలో IMEI నంబర్ ద్వారా CEIR వెబ్సైట్ (www.ceir.gov.in�) లో ఫిర్యాదు నమోదు చేస్తే ట్రాకింగ్ సులభమవుతుందని అధికారులు వివరించారు.
జిల్లా ప్రజలు అప్రమత్తంగా ఉండాలని, మొబైల్ పోగొట్టుకున్న వెంటనే పోలీసులకు సమాచారం ఇవ్వాలని జిల్లా పోలీస్ శాఖ సూచించింది.
Sangayappa matapathi
CEO & Founder of appanewschannel